काठमाडौँ । प्रदर्शनमा उत्रिएका जेनजीहरू बानेश्वरस्थित संघीय संसद् भवनभित्र प्रवेश गरेका छन् । भ्रष्टाचार र सामाजिक प्रतिबन्धको विरोधमा प्रदर्शनमा उत्रिएका जेन–जीहरु संसद् भवन प्रवेश गरेका हुन् ।
निषेधित क्षेत्र तोड्दै संसद् भवन प्रवेश गर्न थालेपछि प्रहरीले केही सेल अश्रु ग्यास प्रहार गरेको छ । अहिले उक्त क्षेत्र तनावग्रस्त भएको छ । शान्तिपूर्ण आन्दोलन हुने भने पनि प्रदर्शनकारी निषेधित क्षेत्रतर्फ प्रवेश गरेपछि स्थानीय प्रशासनले कर्फ्यु आदेश जारी गरेको छ ।
उनीहरू गेटबाट माथि चढेर संसद् भवनभित्र प्रवेश गरेका हुन् ।
