बिजौरी । तुलसीपुर वडा नम्बर १८ बिजौरी स्थित जनता संस्कृत माविका कक्षा ६ देखि १० सम्मका किशोरीहरु पाठेघरको मुखको क्यान्सरविरुद्धको (एचपीभी) खोप लगाएका छन् ।
विद्यालयका कक्षा ६ देखि १० सम्मका १७० जना छात्राहरुले एचपिभि खोप लगाएका हुन् । मंगलबारदेखि देशभर पाठेघरको मुखको क्यान्सरविरुद्धको (एचपीभी) खोप अभियान सुरु भएको छ ।
माघ २२ गतेदेखि आउँदो फागुन ६ गतेसम्म देशभरि एकैपटक यो अभियान सञ्चालन भएको हो । देशभरका विद्यालयमा अध्ययनरत कक्षा ६ देखि १० सम्मका छात्रा र विद्यालय बाहिर रहेका १० देखि १४ वर्ष उमेरका १६ लाख ८८ हजार ७६८ जना किशोरीहरुलाई यो खोप निःशुल्क दिन लागिएको छ ।
